PROUVÉ МОНГОЛ ДАХЬ САЛБАР ВЭБ САЙТЫН ЖУРАМ, ЦАХИМ АРГААР ҮЙЛЧИЛГЭЭ ҮЗҮҮЛЭХ ЗОХИЦУУЛАЛТ

1. Дараах тодорхойлолтууд ямар утгатай вэ? Prouvé Монгол дахь салбарын вэб сайтын журамд болон Цахим хэрэгслээр үйлчилгээ үзүүлэх, бүх Том үсгээр бичсэн нэр томьёо нь дараахь утгыг агуулна:

1) Түншийн бүртгэл (Бүртгэл) – Prouvé-ээс түншид Prouvé Монгол дахь салбар вэбсайт-д хандах эрхийг олгосон түншийн бүртгэл бөгөөд хэрэглэгчийн нэр, нууц үгээ ашиглан нэвтэрч болно;

2) Prouvé Brand (Брэнд) – Prouvé-д хамаарах барааны тэмдэг, үйлдвэрлэлийн загвартай холбоотой бүх эрх (зохиогчийн эрх, аж үйлдвэрийн өмчийг оролцуулан) Польшийн Патентийн газар, Европын Холбооны Оюуны Өмчийн Байгууллага (EUIPO),  Дэлхийн Оюуны Өмчийн Байгууллага (WIPO) эсвэл холбогдох улсын патентын газарт Prouvé-ээс мэдээлсэн эсвэл бүртгүүлсэн;

3) Prouvé Түнш (Түнш) – Гэрээгээр Prouvé Монгол дахь салбартай холбогдсон хувь хүн;

4) Бүтээгдэхүүн – Prouvé брэндийн нэрийн дор худалдаалдаг Prouvé бүтээгдэхүүн болон тараах материал, маркетингийн зориулалттай зүйлс;

5) Prouvé  Mongolia (Үйлчилгээ үзүүлэгч) – 7000809 регистрийн дугаартай, БГД, 4-р хороо, Ази тауэр, 4-р давхар хаягтай Дэлгэмэл Од ХХК, и-мэйл: info@mn.prouve.com;

6) Дүрэм - Prouvé Монгол дахь салбарын вэбсайтын журам, цахим хэрэгслээр үйлчилгээ үзүүлэх журам;

7) Мэдээллийн аюулгүй байдлын удирдлагын тогтолцооны стандарт ISO27001:2022, Хүний    хувийн мэдээллийн удирдлагын тогтолцооны стандарт ISO27701:20198), хүний хувийн мэдээллийн нууцлал, бүрэн бүтэн, хүртээмжтэй байдлыг хангах ба Кибер аюулгүй байдлын тухай хууль, Хүний хувийн мэдээлэл хамгаалах тухай хууль болон бусад Монгол улсын хууль, эрх зүйн болон зохицуулагч байгууллагуудын бодлого, журам, дүрмийг хэрэгжүүлэн ажиллахыг зорино. 

8) Prouvé Монгол дахь салбарын вэбсайт (вэбсайт) – www.mn.prouve.com  вэбсайтад Түншийн бүртгэл рүү нэвтэрсний дараа Түнш ашиглах боломжтой Онлайн дэлгүүр болон Түншийн бүртгэлийг багтаасан Төв компанийн эзэмшдэг онлайн вэбсайт;

9) Prouvé Монгол дахь салбарын онлайн дэлгүүр (дэлгүүр) – www.mn.prouve.com вэбсайтад Түншийн бүртгэлээр нэвтэрсний дараа Түнш болон Prouvé компани-д хамтын ажиллагааны нөхцөл, карьер төлөвлөгөө, түүнчлэн Prouvé онлайн дэлгүүрийн журамд нарийвчлан тодорхойлсон нөхцөл, болзлын дагуу бүтээгдэхүүн худалдах гэрээ байгуулах боломжийг олгодог Prouvé вэбсайтын нэг хэсэг.

10) Гэрээ – Өргөдөл гаргагчийн ирүүлсэн өргөдлийг үндэслэн компаниас хүлээн зөвшөөрч түнштэй байгуулсан гэрээ. Гэрээ, Хамтын ажиллагааны нөхцөл, карьер төлөвлөгөө нь Түнш ба компани хоорондын хамтын ажиллагааны нөхцөл, болзлыг тодорхойлдог;

11) Үйлчилгээ – Prouvé Монгол дахь салбараас Prouvé Монгол дахь салбарын вэбсайт дотор эсвэл цахим харилцааны хэрэгслээр, тухайлбал журамд тодорхойлсон цахим шуудангаар талуудыг нэгэн зэрэг байлцуулахгүйгээр (зайнаас) үзүүлж буй үйлчилгээ;

12) Хэрэглэгч - Prouvé Монгол дахь салбарын вэбсайт эсвэл журамд дурдсан бусад үйлчилгээг ашигладаг хувь хүн эсвэл түнш;

13) Цахим хэрэгслээр үйлчилгээ үзүүлэх тухай акт - 2021 оны 12-р сарын 17-ны өдрийн Цахим хэрэгслээр үйлчилгээ үзүүлэх тухай хууль

Дүрэмд том үсгээр бичсэн бусад тодорхойлолтуудын нарийн тодорхойлолтыг гэрээ, хамтын ажиллагааны нөхцөл, карьер төлөвлөгөөнд заасан байна.

2. Энэ баримт бичигт ямар асуудлууд тусгагдсан бэ?

2.1. Prouvé Монгол дахь салбарын вэбсайт болон цахим хэрэгслээр үйлчилгээ үзүүлэх журам нь Монгол Улсын Их Хурлын 2010 оны 48 дугаар тогтоолоор баталсан Монгол Улсын Үндэсний аюулгүй байдлын үзэл баримтлалын 3.6 дахь заалтыг үндэслэн гаргасан журам юм.

2.2. Prouvé Монгол дахь салбар нь дүрэмд заасан үйлчилгээг хэрэглэгчдэд санал болгоно.

2.3. Үйлчлүүлэгч үнэ төлбөргүй үйлчилгээ авна.

3. Prouvé Монгол дахь салбарын үзүүлж буй үйлчилгээний хамрах хүрээ

3.1. Prouvé Монгол дахь салбар нь цахим харилцааны хэрэгслээр эсвэл Prouvé Монгол дахь салбарын вэбсайт дотор дараах үйлчилгээг үзүүлнэ.

1) Prouvé Монгол дахь салбар болон Prouvé брэндийн талаархи ерөнхий мэдээлэлд хандах,

2) бүртгэл үүсгэх, гэрээ байгуулах, хамтын ажиллагааны нөхцөл, түүний дотор талуудын харилцан эрх, үүргийг тусад нь баримт бичигт тусгасан онлайн бүртгэлд нэвтрэх (бүртгэл үүсгэх цахим өргөдөл), тухайлбал, Хамтын ажиллагааны нөхцөл, карьер төлөвлөгөө зэрэг нь www.mn.prouve.com хаягтай Prouvé Монгол дахь салбарын вэбсайтад байрлана,

3) www.mn.prouve.com вэб сайт дээр Түншийн бүртгэлээр нэвтрэн Prouvé Монгол дахь салбарын онлайн дэлгүүрт хандсанаар Түнш нь Prouvé Монгол дахь салбар-аас Түншүүдэд санал болгож буй бүтээгдэхүүнийг худалдан авах боломжтой бөгөөд үүгээр дамжуулан захиалга өгөх, түүнийг гүйцэтгэх нарийвчилсан дүрэм, түүнчлэн борлуулалтын гэрээ байгуулахтай холбоотой гомдол гаргах зэргийг тусад нь "Prouvé Монгол дахь салбарын онлайн дэлгүүрийн журам" -аар зохицуулдаг бөгөөд энэ тухай мэдээллийг www.mn.prouve.com вэбсайт дахь Түншийн бүртгэлээр нэвтэрсний дараа авах боломжтой,

4) www.mn.prouve.com вэб сайтад нэвтэрсний дараа Түнш нь дараах сонголтууд руу хандах  эрхтэй болно.

1. a) бүтэц,

б) хуанлийн тодорхой саруудад хуваасан хөнгөлөлт, урамшуулал,

в) хуанлийн тодорхой саруудад гаргасан нэхэмжлэх,

г) мэдэгдэл,

5) www.mn.prouve.com вэбсайт дээрх Түншийн бүртгэлээр нэвтэрсний дараа хэрэглэгчид өөрийн Түншийн дугаарыг ашиглан хоорондоо харилцах боломжтой чат руу нэвтрэх,

6) www.mn.prouve.com вэбсайтад Түншийн бүртгэлээр нэвтэрсний дараа Prouvé Монгол дахь салбараас Түншүүдэд зориулан бэлтгэсэн мэдээлэл, зааварчилгаа, маркетинг, сурталчилгааны материалуудыг (одоогийн бүтээгдэхүүний каталоги г.м) харах эрхтэй,

7) www.mn.prouve.com вэбсайтад Түншийн бүртгэлээр нэвтэрсний дараа Prouvé брэндийг түншүүдэд татаж авах боломжтой форматаар ашиглах боломжтой,

8) www.mn.prouve.com вэбсайтад Түншийн бүртгэлээр нэвтрэн Түншүүд болон Prouvé Монгол дахь салбарын хамтын ажиллагаатай холбоотой баримт бичгүүдэд хандах боломжтой,

9) www.mn.prouve.com хаяг дахь Түншийн бүртгэлээр нэвтэрсний дараа урамшуулал, лояалти хөтөлбөрийн зарчмуудыг харах,

10) www.mn.prouve.com вэбсайтад Түншийн бүртгэлээр нэвтэрч Prouvé Монгол дахь салбар эсвэл Түншүүдтэй холбоотой мэдээлэл, арга хэмжээ, шинэ мэдээг харах,

11) арилжааны мэдээллийг (өөрөөр хэлбэл бүтээгдэхүүн, үйлчилгээ эсвэл Prouvé брэнд, түүнчлэн Prouvé Монгол дахь салбар болон Түншүүдийн сүлжээг сурталчлах зорилготой мэдээлэл) цахим харилцааны хэрэгслээр, түүний дотор цахим шуудангаар илгээх.

3.2. 3.1-р зүйлийн 1)-2)-д заасан үйлчилгээнд хандах эрхийг интернетийн бүх хэрэглэгчид ашиглах боломжтой бөгөөд үүнд ямар нэгэн нэмэлт шаардлага, ялангуяа www.mn.prouve.com хаягаар бүртгүүлэх, нэвтрэх шаардлагагүй.

3.3. 3.1-р зүйлийн 3)-10)-д заасан үйлчилгээнд хандах эрхийг зөвхөн www.mn.prouve.com хаягийн вэбсайтад Түншийн бүртгэлээр амжилттай нэвтэрсэн түншүүд ашиглах боломжтой.

3.4. 3.1-р зүйлийн 11)-д заасан үйлчилгээнд нэвтрэх эрхийг зөвхөн гэрээнд эсвэл гэрээ байгуулсны дараа арилжааны мэдээлэл илгээхийг зөвшөөрч, харилцаа холбооны терминалын төхөөрөмжийг маркетингийн зорилгоор хувийн мэдээллийг боловсруулах зөвшөөрлийн хамт шууд маркетингийн зорилгоор ашиглахыг зөвшөөрсөн Түншүүд л авах боломжтой.

3.5. 3.1-р зүйлийн 11)-д дурдсан үйлчилгээг Prouvé Монгол дахь салбарын тогтоосон хугацаанд, давтамжтайгаар үзүүлнэ.

4. Prouvé Монгол дахь салбарын үйлчилгээ үзүүлэх техникийн шаардлага, нөхцөл юу вэ?

4.1. Хэрэглэгчийн Мэдээлэл, Харилцаа Холбооны Технологийн (МХХТ) систем дараах шаардлагыг хангасан тохиолдолд үйлчилгээг ашиглах боломжтой.

1) интернетэд холбогдох боломжтой,

2) Internet Explorer 11 ба түүнээс дээш хувилбар, Mozilla FireFox 53.0 ба түүнээс дээш хувилбар, Google Chrome 58.0 ба түүнээс дээш хувилбар, Opera 44.0 ба түүнээс дээш хувилбар, Safari хувилбар 5.1 ба түүнээс дээш хувилбар зэрэг интернет хөтөч рүү нэвтрэх боломжтой,

3) эдгээр интернет хөтөч нь күүки хүлээн авдаг,

4) хамгийн багадаа 1024 x768 пикселийн нягтралтай вебсайт,

5) үйлчилгээнд шаардлагатай бол Java, Java Script, Acrobat Reader-д хандах боломжтой,

6) үйлчилгээ шаардлагатай бол идэвхтэй, зөв ​​тохируулсан и-мэйл хаягтай.

4.2. Prouvé Монгол дахь салбар нь хэрэглэгчийн ашиг сонирхол, хэрэгцээтэй танилцахын тулд хэрэглэгчийн компьютер дээр богино текст мэдээллийг хадгалах замаар үйлчлүүлэгчийг таних, улмаар түүний ашиг сонирхол, зан байдал, хэрэгцээтэй танилцах боломжийг олгодог күүки механизмыг ашигладаг. Үйлчлүүлэгч нь Prouvé Монгол дахь салбар вэбсайтыг үзэхэд ашигладаг програм хангамжийн тохиргоог ашиглан дээрх мэдээлэлд хандах, хадгалах нөхцөлийг зааж өгөх боломжтой. Нууцлалын талаарх нөхцөл, түүний дотор күүкигийн талаарх мэдээллийг Нууцлалын бодлогод зохицуулсан бөгөөд үүнийг дараах вэбсайтаас авах боломжтой: www.mn.prouve.com

4.3. Үйлчлүүлэгч үйлчилгээ, түүний дотор Prouvé Монгол дахь салбар вэбсайтыг дараах байдлаар ашиглах үүрэгтэй:

1) журмын заалтад нийцүүлэн, Монгол улсын нийтээр дагаж мөрддөг хуулийн заалтуудын дагуу,

2) вэб сайтын үйл ажиллагаанд саад учруулахгүй байх (ялангуяа тусгай программ хангамж, тоног төхөөрөмж ашиглан).

4.4. Үүнээс гадна үйлчлүүлэгч:

1) хууль бус контент, ялангуяа хувийн эрх, оюуны өмчийн эрх, түүний дотор Prouvé Монгол дахь салбар болон гуравдагч этгээдийн зохиогчийн эрх, нийгмийн зан үйл, ёс суртахууны дүрмийг зөрчсөн контентыг өгөх, дамжуулахгүй байх,

2) вэбсайтад хүсээгүй арилжааны мэдээллийг (спам гэж нэрлэдэг) илгээхгүй байх, нийтлэхгүй байх,

3) Түншийн бүртгэлийг баталгаажуулахад ашигласан өгөгдлийг гуравдагч этгээдтэй хуваалцахгүй байх,

4) бусад Түншүүдийн бүртгэлийг ашиглахгүй байх, түүнчлэн өөр Түншийн бүтргэлийг баталгаажуулахад ашигласан өгөгдлийг ашиглахгүй байх.

4.5. Prouvé Монгол дахь салбар нь Хэрэглэгчийн ашиглаж буй компьютерийн систем, МХХТ систем, харилцаа холбооны дэд бүтцэд техникийн асуудал, техникийн хязгаарлалтын улмаас вэбсайт болон вэбсайтаар дамжуулан санал болгож буй үйлчилгээг зохих ёсоор ашиглах боломжгүй болсон тохиолдолд хариуцлага хүлээхгүй.

4.6. Prouvé Монгол дахь салбар нь вэб сайтыг байнга ашиглах боломжтой эсвэл түүний бүрэн ажиллагаанд баталгаа өгөхгүй.

4.7. Prouvé Монгол дахь салбар нь вэбсайтад тодорхой засвар үйлчилгээ хийх шаардлагатай үед үйл ажиллагааг түр зогсоож болно, жишээлбэл: засвар үйлчилгээ эсвэл вэбсайтын өргөтгөл, өөрчлөлттэй холбоотой.

4.8. Prouvé Монгол дахь салбар нь вэб сайтад URL хаягийг байрлуулсан гадны вэбсайтуудын агуулга, мөн вэбсайтад өгсөн мэдээллийн үндсэн дээр Хэрэглэгчийн гаргасан шийдвэрт хариуцлага хүлээхгүй.

4.9. Prouvé Монгол дахь салбар нь 3.1-р зүйлийн 5-д заасан чатын үйлчилгээг ашиглах явцад хэрэглэгчийн хооронд солилцсон контентыг хариуцахгүй, үүнд өгөгдсөн аливаа мэдээллийн аюулгүй байдал, хувийн мэдээллийн боловсруулалтыг хариуцахгүй.

5. Prouvé Монгол дахь салбарын вэбсайт дээрх Түншийн бүртгэлээр хэрхэн нэвтрэх вэ?

5.1. Prouvé Монгол дахь салбарын вэбсайт дээрх Түншийн бүртгэлээр зөвхөн түнш болох Хэрэглэгч нэвтэрч болно.

5.2. Prouvé Монгол дахь салбар вэбсайт дээрх Түншийн бүртгэлээр Түнш өөрийн үүсгэсэн имэйл хаяг болон хувийн нууц үгийг оруулснаар нэвтэрнэ.

5.3. Түнш нь Түншийн бүртгэлийг гуравдагч этгээдэд олгоход ашигласан өгөгдлийг задруулахгүй байх үүрэгтэй бөгөөд эдгээр мэдээллийг задруулахаас гарах үр дагаврыг хариуцна.

5.4. Prouvé Монгол дахь салбар нь Түншийн бүртгэлд хадгалагдсан өгөгдлийг гуравдагч этгээдийн хандалт, хөндлөнгийн оролцоо, түүнчлэн Түншийн бүртгэлийг зөвшөөрөлгүй ашиглахаас хамгаалахын тулд техникийн боломжит бүхий л арга хэмжээг авна.

6. Бид хувь хүний мэдээллийн нууцыг хэрхэн хамгаалдаг вэ?

6.1. Prouvé Монгол дахь салбар нь үйлчилгээ үзүүлэх явцад хэрэглэгчийн хувийн мэдээллийг Монгол улсанд мөрдөгддөг нийтлэг хууль тогтоомжид заасан зарчмын дагуу боловсруулна.

6.2. Prouvé Монгол дахь салбарын вэбсайт дээр үйлчилгээ үзүүлэхтэй холбогдуулан Түншүүдийн хувийн мэдээллийг боловсруулах нь Гэрээний заалтууд болон Хамтын ажиллагааны нөхцлийн 6-р зүйлд заасны дагуу зохицуулагдана.

6.3. 3.1-р зүйлийн 11)-д заасан захиалгат арилжааны мэдээллийг илгээх үйлчилгээг үзүүлэхтэй холбогдуулан Prouvé Монгол дахь салбар нь хэрэглэгчийн дараах хувийн мэдээллийг боловсруулдаг: овог, нэр, цахим шуудангийн хаяг.

6.4. Үйлчилгээтэй холбоотой хэрэглэгчийн гомдолтой холбогдуулан Prouvé Монгол дахь салбар нь хэрэглэгчийн дараах хувийн мэдээллийг боловсруулдаг: овог, нэр, и-мэйл хаяг, шуудангийн хаяг, Түншийн дугаар.

6.5. Хэрэглэгч хувийн мэдээллээ өгөх нь бүхэлдээ сайн дурынх бөгөөд хууль ёсны болон гэрээний үүрэг хариуцлага хүлээхгүй. Гэвч эдгээр мэдээллүүдийг авахгүйгээр үйлчлүүлэгчдэд үйлчилгээ үзүүлэх, тэдний гомдлыг авч, шийдвэрлэх боломжгүй юм.

6.6. Үйлчлүүлэгчийн хувийн мэдээллийн хянагч нь 7000809 регистрийн дугаартай, БГД, 4-р хороо, Ази тауэр, 4-р давхар хаягтай Дэлгэмэл Од ХХК, и-мэйл: info@mn.prouve.com; вэбсайтын хаяг:  www.mn.prouve.com.

6.7. Хувийн мэдээллийг дараах үндэслэлээр үйлчилгээ үзүүлэх эсвэл гомдлыг барагдуулах зорилгоор боловсруулж болно:

1) хэрэглэгчийн өгсөн зөвшөөрөл (Хүний хувийн мэдээлэл хамгаалах тухай хуулийн 8-р зүйлд зааснаар эсвэл:

2) үйлчилгээ үзүүлэх гэрээ байгуулах, гүйцэтгэхэд хувийн мэдээллийг боловсруулах шаардлагатай (Хүний хувийн мэдээлэл хамгаалах тухай хуулийн 7-р зүйлийн 7.1.1.-д зааснаар),

3) хувийн мэдээллийг боловсруулах нь Prouvé Монгол дахь салбар-ийн хуулиар хүлээсэн үүргээ биелүүлэхэд зайлшгүй шаардлагатай, тухайлбал гомдлыг боловсруулах (Хүний хувийн мэдээлэл хамгаалах тухай хуулийн 18-р зүйлд зааснаар),

4) хувийн мэдээллийг боловсруулах нь Prouvé Монгол дахь салбарын өөрийн бүтээгдэхүүн, үйлчилгээг шууд борлуулах зорилгоор хийгддэг тул Prouvé Монгол дахь салбарын хууль ёсны ашиг сонирхолд үндэслэсэн болно (Хүний хувийн мэдээлэл хамгаалах тухай хуулийн 19-р зүйлийн 19.4-д зааснаар).

6.8. Prouvé Монгол дахь салбар нь үйлчилгээ үзүүлэхтэй холбоотой маргаан гарсан тохиолдолд аливаа нэхэмжлэл гаргах эсвэл нэхэмжлэлийн эсрэг хамгаалах зорилгоор Хэрэглэгчийн хувийн мэдээллийг боловсруулж болно.

6.9. Хэрэглэгчийн хувийн мэдээллийг Prouvé Монгол дахь салбар-аас хэрэглэгчдэд үйлчилгээ үзүүлэх, эсвэл 8-р зүйлд заасан гомдлыг хянан шийдвэрлэх хугацаанд, эсвэл нэхэмжлэлийн хөөн хэлэлцэх хугацаанд боловсруулна (хадгална).

6.10. 6.3, 6.4-т заасны дагуу боловсруулсан Хэрэглэгчийн хувийн мэдээллийг гуравдагч орон болон олон улсын байгууллагад шилжүүлэхийг хориглоно. Тэдгээрийг дараах хүлээн авагчдын бүлэгт шилжүүлж болно:

1) Prouvé Монгол дахь салбар-ийн дотоод бүтцэд хамаарах эрх бүхий хүмүүс,

2) Дэлгэмэл Од ХХК-тай хамтран ажилладаг цахим шуудангийн үйлчилгээ, IT үйлчилгээ зэрэг Prouvé Монгол дахь салбар-ийн нэрийн өмнөөс хувийн мэдээллийг боловсруулдаг бусад байгууллагууд;

3) хууль тогтоомжид заасан хамрах хүрээ, зарчмын дагуу бусад мэдээлэл хүлээн авагч, түүний дотор эрх бүхий байгууллага.

6.11. Prouvé Монгол дахь салбар нь Хэрэглэгчийн хувийн мэдээллийн профайлыг оруулах зэрэг автоматаар шийдвэр гаргах боломжтой. Профайл нь Хэрэглэгчдэд хамгийн сайн тохирох бүтээгдэхүүнийг санал болгох эсвэл хамгийн сайн тохирох мэдээллийг илгээхээс бүрдэх боловч аливаа шийдвэрийг автоматжуулахгүй.

6.12. Хүний хувийн мэдээлэл хамгаалах тухай хуулийн 3 дугаар бүлгийн 16-р зүйлд заасан нөхцлийн дагуу Хэрэглэгч дараахь эрхтэй байж болно.

1) хүссэн үедээ өгөгдөл боловсруулах зөвшөөрлөө цуцлах (хэрэв бид зөвшөөрлийн үндсэн дээр хувийн мэдээллийг боловсруулж байгаа бөгөөд боловсруулахад өөр үндэслэл байхгүй бол). Зөвшөөрлийг эргүүлэн татах нь түүнийг эргүүлэн татахаас өмнөх зөвшөөрлийн үндсэн дээр боловсруулалтын хууль ёсны байдалд нөлөөлөхгүй;

2) хувийн мэдээллийн агуулгад хандах, тэдгээрийг засварлах, устгах, боловсруулахыг хязгаарлах хүсэлт гаргах,

3) хувийн мэдээллийг боловсруулах, түүний дотор профайл үүсгэхийг эсэргүүцэх,

4) хувийн мэдээллийг зөөвөрлөх,

5) хяналтын байгууллагад гомдол гаргах (Мэдээлэл хамгаалах талаарх Хүний эрхийн Үндэсний Комисс).

6.13. Хувийн мэдээллийг хамгаалах талаархи бусад мэдээллийг www.mn.prouve.com вэбсайтад байршуулсан Нууцлалын бодлогоос авах боломжтой.

7. Оюуны өмчийн эрхийг хэн эзэмшдэг, Хэрэглэгч ямар хэмжээнд ашиглаж болох вэ?

7.1. Оюуны өмчийн бүх эрх, түүний дотор вэбсайтын зохиогчийн эрх, аж үйлдвэрийн өмчийн эрх (түүний удирдлагын шийдэл, контент, графикийн сонголт, зохион байгуулалт), түүнчлэн текст, график, гэрэл зураг, аудио болон видео материал, үг, болон дүрслэлийн тэмдэг, Брэнд, мэдээллийн сангууд нь Prouvé Монгол дахь салбар болон Prouvé  (төв компани) эсвэл Prouvé Монгол дахь салбар-ийн зохих журмын дагуу гэрээ байгуулсан гуравдагч этгээдэд байх ёстой.

7.2. Үйлчлүүлэгч Prouvé Брэндийг оролцуулан Prouvé Монгол дахь салбар вэбсайтад агуулагдах материалыг зөвхөн зөвшөөрөгдсөн зориулалтаар ашиглах эсвэл Prouvé-ээс урьдчилан зөвшөөрөл авсны үндсэн дээр ашиглах эрхтэй.

8. Хэрхэн гомдол гаргах вэ?

8.1. Үйлчлүүлэгч гомдол гаргах үндэслэл болсон үйл явдал болсон өдрөөс хойш 7 хоногийн дотор үйлчилгээний талаар гомдол гаргаж болно:

1) бичгээр гомдол гаргах бол – Дэлгэмэл Од ХХК-ийн хаягаар: БГД, 4-р хороо, Ази тауэр, 4-р давхар хаяг, эсвэл: Вэбсайт/Үйлчилгээ – Гомдол хэсгээр;

2) цахим хэлбэрээр- info@mn.prouve.com хаягаар.

8.2. Гомдолд дараахь зүйлийг тусгасан байна:

1) үйлчлүүлэгчийн овог, нэр,

2) харилцагчийн захидал харилцааны хаяг,

3) түншийн дугаар - хэрэв үйлчлүүлэгч түнш бол,

4) гомдлын үндэслэл, түүний дэлгэрэнгүй тайлбар.

8.3. Гомдлыг хүчин төгөлдөр болсон өдрөөс хойш 7 хоногийн дотор хянана. Prouvé Монгол дахь салбар нь www.mn.prouve.com вэб сайтад нэвтэрсний дараа Хэрэглэгчийн заасан хаягаар эсвэл Түншийн бүртгэлд байгаа мэдэгдлийн талбарт цахим хэлбэрээр эсвэл бичгээр гомдлыг хэрхэн шийдвэрлэсэн талаар нэн даруй Хэрэглэгчид мэдэгдэнэ (Хэрэглэгч түнш бол).

9. Prouvé Монгол дахь салбарын вэбсайтын хэрэглээ хэзээ эхэлж, хэзээ дуусах вэ?

9.1. Prouvé Монгол дахь салбар нь 9.2, 9.3-т заасны дагуу Prouvé Монгол дахь салбар болон Түншийн хооронд байгуулсан гэрээ хүчин төгөлдөр болсон өдрөөс эхлэн дуусгавар болох хүртэл, Prouvé Монгол дахь салбар вэбсайтаар үйлчилгээг үзүүлнэ. Гэрээнд тусгагдаагүй тохиолдолд Prouvé Монгол дахь салбар вэбсайт дахь үйлчилгээ үзүүлэх нөхцөлийг журамд заасан болно.

9.2. Үйлчлүүлэгч Prouvé вэбсайт болон түүгээр дамжуулан үзүүлж буй үйлчилгээг ашиглахаас хүссэн үедээ татгалзаж болно.

9.3. Журмын 4.3 - 4.4, 5.3, 7.2 дахь хэсэг буюу заавал дагаж мөрдөх Хэрэглэгчийн заалтыг зөрчсөн тохиолдолд Prouvé Монгол дахь салбар нь Хэрэглэгчийн Вэбсайтыг ашиглах эрхийг хасах, вэб сайтыг бүхэлд нь буюу хэсэгчлэн ашиглах эрхийг нь хязгаарлах байдлаар Вэбсайт дотор санал болгож буй үйлчилгээг хязгаарлаж болно.

9.4. Вэбсайтыг ашиглах эрхээ хасуулсан үйлчлүүлэгч Prouvé Монгол дахь салбараас урьдчилан зөвшөөрөл авалгүйгээр вэбсайтад дахин бүртгүүлэх ёсгүй.

10. Захиалгат арилжааны мэдээллийг илгээх үйлчилгээ хэзээ эхэлж, хэзээ дуусах вэ?

10.1. Хэрэглэгч 3.4.-т заасан зөвшөөрлийг өгсөн тохиолдолд Prouvé Монгол дахь салбар нь 3.1. дэх хэсгийн 11)-д заасан захиалгын арилжааны мэдээллийг илгээх үйлчилгээг үзүүлнэ.

10.2. Худалдан авагч нь арилжааны мэдээлэлтэй хамт хүлээн авсан зааврын дагуу эсвэл info@mn.prouve.com цахим шуудангийн хаягаар мэдэгдэл илгээснээр арилжааны мэдээлэл авах зөвшөөрлөө хэдийд ч цуцалж болно.

10.3. 3.1.-р зүйлийн 11 дэх хэсэгт заасан захиалгат арилжааны мэдээллийг илгээх үйлчилгээ үзүүлэх тухай гэрээ):

1) 3.4.-т заасан зөвшөөрлийг Хэрэглэгчийн өгсөн зөвшөөрлийн дагуу хийсэн гэж үзнэ;

2) 3.4.-т дурдсан зөвшөөрлүүдийн аль нэгийг нь захиалагч татан авснаар цуцлагдсанд тооцогдоно.

10.4. 3.1.-р зүйлийн 11)-д заасан үйлчилгээ үзүүлэх нөхцөлийг энэхүү журамд заасан болно.

11. Та өөр юу мэдэх хэрэгтэй вэ?

11.1. Уг журмыг 2024 оны аравдугаар сарын 19-ний өдрөөс эхлэн дагаж мөрдөнө.

11.2. Prouvé Монгол дахь салбар нь шинэ функцүүд нэмэгдэх, вэб сайтын шинэ хувилбарыг хэрэгжүүлэх, мэдээллийг шинэчлэх шаардлагатай болсон эсвэл журамтай холбоотой холбогдох хуулийн заалтад нэмэлт, өөрчлөлт оруулах тохиолдолд журамд нэмэлт, өөрчлөлт оруулж болно.

11.3. Дүрэмд оруулсан нэмэлт, өөрчлөлтийн талаар хэрэглэгчдэд www.mn.prouve.com цахим хуудсанд мэдээлнэ. Өөрчлөлт оруулахыг зөвшөөрөөгүй хэрэглэгч гэрээгээ нэн даруй цуцлах эрхтэй.

11.4. Энэхүү журмаар зохицуулагдахгүй нөхцөл байдал үүссэн тохиолдолд Монгол Улсын холбогдох хууль тогтоомж, бусад эрх зүйн актыг баримтлан шийдвэрлэнэ.  

Та дараах линк дээр дарж Хамтын ажиллагааны гэрээг бүрэн эхээр нь татаж авах боломжтой